Dáleiðsla er nátturulegt ástand sem við förum í marg oft á dag án þess kannski að kalla það dáleiðslu. Dáleiðsla er í raun mjög djúp slökun og í þessari djúpu slökun getum við farið og lagað til í undirmeðvitundinni hvort sem það er til að breyta einhverjum vana sem við erum að glíma við eða til að leysa úr læðingi einhvern innri kraft sem við viljum ná í innra með okkur. Dáleiðsla er í raun lykillinn að minningarbankanum okkar og sumt er aðgengilegt okkur og annað ekki og það er undirmeðvitundin okkar sem stjórnar því.

Það að kunna dáleiðslu og geta nýtt hana jafnvel í eigin þágu er ótrúleg tækni sem gerir það að verkum að það er ekki mikið sem getur staðið í vegi fyrir að við náum árangri í því sem við viljum gera. Það hefur nú oft verið sett fram að hugurinn okkar sé eins og ísjakinn að við sjáum 10% og 90% sjáum við ekki, og að undirmeðvitundinn sé í raun þessi 90%. Ef við spáum aðeins í því þá sjáum við að með því að virkja einhvern hluta af þessum 90% þá getum við gert ótrúlega hluti.